Bu həftədən başlayaraq “İdman” TV daha bir turniri tamaşaçılara çatdıracaq. Söhbət Almaniyanın 2-ci bundesliqasının oyunlarından gedir.
Qeyd edək ki, II Bundesliqada milli komandamızın hücumçusu Mahir Emreli çıxış edir. Məhz bu səbəbdən də çempionatın oyunları azarkeşlərimiz arasında maraq kəsb edir. Bunu nəzərə alan “İdman” TV oyunların yayım hüququna sahib çıxıb. Bu mövsüm “Nürnberq”in uğurları üçün çalışan millimizin üzvü artıq Almaniyada vurduğu qollarla azrkeşlərin rəğbətini qazanıb. “Nürnberq”in oyunlarının ölkəmizdə yayımlanması azarkeşləri sevindirməklə yanaşı, həmyerlimizin də məsuliyyətini bir qədər artıracaq.
Artıq bu tur Mahirin çıxış etdiyi “Nürnberq” komandasının oyunu canlı yayımlanacaq. Həmyerlimizin forma geydiyi komanda bu həftənin cümə günü “Elversberq” komandası ilə qarşılaşacaq. Oyun Bakı vaxtı ilə saat 21:30-da başlayacaq.